சந்திரபாபு நாயுடு, பவன் கல்யாண் குறித்து அவதூறு பதிவு: இயக்குநர் ராம்கோபால் வர்மாவை தேடும் ஆந்திர போலீஸ்! 

ஹைதராபாத்: ஆந்திர முதல்வர் சந்திரபாபு நாயுடு மற்றும் துணை முதல்வர் பவன் கல்யாண் ஆகியோருக்கு எதிராக அவதூறான சமூக ஊடகப் பதிவுகள் தொடர்பான வழக்கு தொடர்பாக திரைப்பட தயாரிப்பாளர் ராம் கோபால் வர்மாவை ஆந்திரப் பிரதேச போலீஸார் தேடி வருகின்றனர்.

படப்பிடிப்புக்காக கோவையில் இருந்த ராம் கோபால் வர்மாவின் ஹைதராபாத் இல்லத்துக்கு போலீஸ் குழு சென்றது. விசாரணைக்காக ராம்கோபால் வர்மா போலீஸ் முன் ஆஜராகத் தயாராக இருப்பதாக அவரது வழக்கறிஞர் கூறினார். “இந்த டிஜிட்டல் யுகத்தில், உடல் தோற்றம் தேவையில்லை. போலீசார் அவரை காணொலி முறையில் விசாரிக்கலாம்” என்று வழக்கறிஞர். தேவைப்பட்டால் அவர் அங்கு இருக்கிறாரா என்பதை கண்டறிய ஒரு குழுவை கோவைக்கு அனுப்புவோம் என்று போலீஸ் அதிகாரி ஒருவர் தெரிவித்தார்.

ஒய்.எஸ்.ஆர்.சி.பி தலைவர் ஒய்.எஸ்.ஜெகன் மோகன் ரெட்டியின் வாழ்க்கையை அடிப்படையாகக் கொண்ட தனது ‘வியூஹம்’ திரைப்படத்தின் விளம்பரத்தின் போது சமூக ஊடகங்களில் சந்திரபாபு நாயுடு மற்றும் அவரது மகன் நாரா லோகேஷ் ஆகியோர் பற்றி அவதூறான கருத்துகள் மற்றும் மார்பிங் படங்களை வெளியிட்டதாக ராம் கோபால் வர்மா தெலுங்கு தேசம் கட்சி தலைவர் புகார் அளித்துள்ளார். இதனையடுத்து தகவல் தொழில்நுட்ப சட்டம் மற்றும் பிஎன்எஸ் பிரிவுகளின் கீழ் வர்மாவுக்கு எதிராக நவம்பர் 11 அன்று வழக்குப்பதிவு செய்யப்பட்டது.

இந்த வழக்கை ரத்து செய்யக் கோரிய ராம் கோபால் வர்மாவின் மனுவை ஆந்திர உயர் நீதிமன்றம் நவம்பர் 18ஆம் தேதி நிராகரித்து, ஜாமீன் மனு தாக்கல் செய்யுமாறு கூறியது. ஜாமீன் மனு நிலுவையில் உள்ள நிலையில், நவம்பர் 24ஆம் தேதிக்கு முன் விசாரணைக்கு ஆஜராகுமாறு வர்மாவுக்கு போலீஸார் இரண்டாவது நோட்டீஸ் அனுப்பியுள்ளனர். "அவர் வராததால், நாங்கள் அவரை அழைத்துச் செல்ல ஹைதராபாத் வந்துள்ளோம்" என்று போலீஸ் அதிகாரி கூறினார்.