போதைப் பொருள் விற்றதாக அயனாவரம் காவலர் கைது: பணியிடை நீக்கம் செய்து காவல் ஆணையர் உத்தரவு

சென்னை: ​போதைப் பொருள் விற்பனை விவகாரத்​தில் சென்னையை சேர்ந்த காவலர் ஒருவர் கைது செய்​யப்​பட்​டுள்​ளார்.

இதுகுறித்து போலீஸ் தரப்​பில் கூறப்​படு​வ​தாவது: மெத்​தம்​பெட்​டமைன் என்ற விலை உயர்ந்த போதைப் பொருள் கடத்தல் கும்பலை சென்னை தெற்கு மண்டல அதிதீவிர குற்​றத்​தடுப்பு பிரிவு போலீ​ஸார் அண்மை​யில் பெங்​களூரு​வில் கைது செய்​தனர். கைதானவர்கள் கொடுத்த தகவலின்​பேரில் தூத்​துக்​குடி, உடன்​குடியை சேர்ந்​தவரும் சென்னை​யில் சமையல் கலைஞராக பணியாற்று​பவருமான ரகு என்பவர் பிடிபட்​டார். அவர் கொடுத்த தகவலின்படி திரு​வண்ணாமலை மாவட்டம் ஆரணியை சேர்ந்தகண்ணன் கைதானார்.

இவர்கள் மொபைல் செயலி மூலம் பழக்​கமானநபர்​களிடம் போதை பொருட்களை வாங்கி, கூடுதல் விலைக்கு விற்று வந்துள்ளது விசாரணையில் தெரியவந்தது. குறிப்பாக கண்ணன்பெங்​களூரு​வில் உள்ள கேமரூன் நாட்​ட​வரான ஜோனதான் என்பவரிட​மிருந்து போதைப் பொருளை வாங்கி வந்து சென்னை​யில் கிராம் ரூ.1500-க்​கும் மேல் விலை வைத்து விற்பனை செய்​து​வந்தது தெரிய​வந்​தது.ஆரணி கண்ணன் செல்​போனை போலீ​ஸார் ஆய்வு செய்​த​போது சென்னை அயனாவரம் காவல் நிலை​யத்​தில் சட்டம் ஒழுங்கு பிரி​வில் காவலராக பணியாற்றும் பரணி என்பவருடன் அவர் அடிக்கடி செல்​போனில் பேசி​யதும், ஜி-பே மூலம் பணப் பரிமாற்​றத்​தில் ஈடுபட்​டதும் தெரிய வந்தது.

இதையடுத்து, காவலர் பரணியை விசா​ரித்த​போது, செயலி மூலம் கேரளாவை சேர்ந்த அபிஷேக் என்பவருடன் பழக்கம் ஏற்பட்டு, அவரிட​மிருந்து போதைப் பொருளை வரவழைத்து விற்பனை செய்​தது தெரிய​வந்​தது. இதையடுத்து, அவரை ​போலீ​ஸார் கைது செய்​தனர். மேலும், சென்னை ​மாநகர ​காவல் ஆணை​யர் அருண் உத்​தரவுப்படி பரணி பணி​யிடை நீக்​கம் செய்​யப்​பட்​டார்​.