சென்னை: ஓட்டேரி ஸ்டீபன்சன் சாலை, டாக்டர் அம்பேத்கர் சாலை சந்திப்பு அருகில் ஓட்டேரி காவல் நிலைய போலீஸார் அக்.31-ம் தேதி வாகன சோதனையில் ஈடுபட்டிருந்தனர்.
அப்போது, அந்த வழியாக வந்த ஒரு காரை நிறுத்தி போலீஸார் சோதனை செய்தபோது, காரில் தடை செய்யப்பட்ட நாட்டு பட்டாசுகள் இருந்தது தெரியவந்தது. இதையடுத்து, காரில் பயணம் செய்த 4 பேரை போலீஸார், காவல் நிலையம் அழைத்து சென்று விசாரணை நடத்தினர். அப்போது, அவர்கள், நிதிஷ் என்ற காவலரிடம் தகராறில் ஈடுபட்டு அவரை தாக்கினர்.
இதையடுத்து, காரில் வந்த மாதவரத்தை சேர்ந்த பால சுப்பிரமணியம் (35), ஆவடியை சேர்ந்த ஆல்வின் (26), மாங்காட்டை சேர்ந்த நவீன்குமார் (27), அயனாவரத்தை சேர்ந்த பெலிக்ஸ் ஜெயசெல்வன் (28) ஆகியோரை போலீஸார் கைது செய்தனர்.