கர்நாடகா: கொப்பல் மாவட்டத்தில் 2014 ஆம் ஆண்டு பட்டியலின மக்கள் மீதான சாதிய தாக்குதல் வழக்கில் 98 பேருக்கு ஆயுள் தண்டனை விதித்து கர்நாடக நீதிமன்றம் தீர்ப்பளித்தது.
கர்நாடகாவின் கொப்பல் மாவட்டத்தில் உள்ள மரகும்பி கிராமத்தில் பட்டியலின மக்களுக்கு எதிரான வன்முறை தொடர்பான வழக்கில் 98 நபர்களுக்கு ஆயுள் தண்டனை விதிக்கப்பட்டுள்ளது. கொப்பளத்தில் உள்ள முதன்மை மாவட்ட அமர்வு நீதிமன்றம், இப்பகுதியில் சாதிய அடிப்படையில் நடந்த வன்முறைக்கு எதிரான ஒரு குறிப்பிடத்தக்க தீர்ப்பை அறிவித்தது.
ஆகஸ்ட் 28, 2014 அன்று, மரகும்பி கிராமத்தில் இரு சமூக மக்களுக்கு இடையே வன்முறை மோதல் வெடித்தது. மரகும்பியைச் சேர்ந்த மஞ்சுநாத், படம் பார்த்துவிட்டு வந்தபோது பட்டியலின மக்களால் தாக்கப்பட்டதாகக் கூறியதைத் தொடர்ந்து மோதல் தொடங்கியது. இந்தக் குற்றச்சாட்டுகளைத் தொடர்ந்து, ஒரு கும்பல் பட்டியலின மக்களுக்குச் சொந்தமான பல குடிசைகளுக்குத் தீ வைத்து, பல நபர்களை உடல் ரீதியாகத் தாக்கியது. இதன் விளைவாக பலருக்கும் பலத்த காயங்கள் மற்றும் சொத்துக்களுக்கு பரவலான சேதம் ஏற்பட்டது.
இந்த வழக்கில் மொத்தம் 101 பேர் குற்றம் சாட்டப்பட்டு, 98 பேர் ஆயுள் தண்டனை பெற்றனர். பட்டியல் சாதி (SC) மற்றும் பட்டியலிடப்பட்ட பழங்குடி (ST) சமூகங்களைச் சேர்ந்த உறுப்பினர்களையும் சேர்த்து, மீதமுள்ள 3 பேருக்கு ஐந்து ஆண்டுகள் கடுங்காவல் சிறைத்தண்டனை விதிக்கப்பட்டது. இந்த வழக்கை முதலில் பீமேஷ் என்ற நபர் பதிவு செய்தார், அவர் கங்காவதி கிராமிய காவல் நிலையத்தில் புகார் அளித்து நீண்ட சட்டப் போராட்டத்தைத் தொடங்கினார்.
» ஆந்திர தலைவர்கள் தெலங்கானாவிற்குள் நுழைய தடை விதிக்க வேண்டும்: காங்கிரஸ் எம்எல்ஏ அதிரடி
கொப்பளத்தில் உள்ள முதன்மை மாவட்ட அமர்வு நீதிமன்ற தலைமை நீதிபதி, அக்டோபர் 21 அன்று குற்றம் சாட்டப்பட்டவர்களை குற்றவாளி என்று அறிவித்தார்.