திருவல்லிக்கேணி பகுதியில் மாடு முட்டி வீசி முதியவர் காயமடைந்தார். தொடரும் சம்பவத்தால் பொதுமக்கள் அதிர்ச்சியில் உள்ளனர்.
சென்னை திருவல்லிக்கேணி டிபி கோயில் தெருவை சேர்ந்தவர் கஸ்தூரி ரங்கன்(65). நேற்று இரவு இவர் அதே பகுதியில் நடந்து சென்றபோது அங்கு சாலையில் சுற்றித்திரிந்த மாடு ஒன்று அவரை முட்டி தூக்கி வீசியதில் அவருக்கு தலையில் காயம் ஏற்பட்டது. உடனே அருகில் இருந்த பொதுமக்கள் அவரை மீட்டு சிகிச்சைக்காக தனியார் மருத்துவமனையில் சேர்த்தனர்.
இது குறித்து ஐஸ் அவுஸ் போலீஸார் வழக்குப்பதிவு செய்து மாட்டின் உரிமையாளர் யார் என்பது குறித்து விசாரணை நடத்தி வருகின்றனர். திருவல்லிக்கேணி பகுதியில் பொதுமக்களை மாடுகள் தாக்கும் சம்பவங்கள் அதிகரித்து வருவது பெரும் அச்சத்தை ஏற்படுத்தியுள்ளது.