சென்னை: ‘ஜெயிலர்2’ புரோமோவால் ரசிகர்கள் மத்தியில் சலசலப்பு எழுந்துள்ளது.
நெல்சன் திலீப்குமார் இயக்கத்தில் நடிகர் ரஜினிகாந்தின் ‘ஜெயிலர்’ படம் கடந்த வருடம் வெளியானது. இந்தப் படம் கலவையான விமர்சனங்களைப் பெற்றாலும் பாக்ஸ் ஆஃபிஸில் வசூல் கொடி நாட்டியது. இதனையடுத்து இந்தப் படத்தின் இரண்டாம் பாகம் குறித்த அறிவிப்பு புரோமோ டீசர் கடந்த வாரம் வெளியானது.
ரஜினிகாந்தின் நிழல் உருவம் இந்த புரோமோ டீசரில் இடம்பெற்றிருக்கும். இறுதியாகவே ரஜினிகாந்த் வருவார். இதுதான் ரசிகர்கள் மத்தியில் சலசலப்பை ஏற்படுத்தியிருக்கிறது. அதாவது, ரஜினிகாந்திற்கு டூப் போட்டுதான் இந்த புரோமோ டீசர் படமாக்கப்பட்டுள்ளது என்றும் ரஜினி வரும் காட்சிகள் முன்பு ‘ஜெயிலர்1’ படத்தில் எடுக்கப்பட்டது என்றும் கூறி வருகின்றனர். அறிவிப்பு டீசரிலேயே ஏன் இப்படி ரசிகர்களை ஏமாற்ற வேண்டும் எனவும் ரசிகர்கள் கேட்டு வருகின்றனர்.