நடிகை நயன்தாராவின் பிறந்தநாளுக்கு டெல்லியில் உள்ள சாதாரண ஹோட்டல் ஒன்றில் இயக்குநர் விக்னேஷ் சிவன் ட்ரீட் கொடுத்திருக்கிறார்.
கடந்த 18ஆம் தேதி நடிகை நயன்தாரா தனது 40ஆவது பிறந்தநாளைக் கொண்டாடினார். இதற்காக விக்னேஷ் சிவன் - நயன்தாரா ஜோடி டெல்லிக்கு சென்றுள்ளனர். அங்கு உள்ள சாதாரண ஹோட்டல் ஒன்றில் நயன்தாராவுக்கு விக்னேஷ் சிவன் ட்ரீட் வைத்துள்ளார்.
இந்த வீடியோவை தனது சமூகவலைதளப் பக்கங்களில் பகிர்ந்து, ‘இத்தனை வருடங்களில் இதுபோன்று நாங்கள் பிறந்தநாள் கொண்டாடுவது இதுதான் முதல்முறை. நயனின் பிறந்தநாள் மாலை எங்களுக்கு மகிழ்ச்சியாகவும், பர்சனாலகவும், ருசிமிக்கதாகவும் இருந்தது.
30 நிமிடங்கள் கியூவில் நின்ற பிறகு எங்களுக்கு பிடித்த செண்டர் டேபிள் சாப்பிட கிடைத்தது. அந்தந்த நிமிடங்களை அப்படியே கொண்டாடுவோம். இந்த அழகான தருணத்தை படம் பிடித்த முகம் தெரியாதவருக்கு நன்றி’ எனப் பதிவிட்டுள்ளார்.
நெட்ஃபிலிக்ஸ் ஓடிடியில் வெளியான நயனின் ஆவணப்படத்தில், புது உணவு வகைகளை நயன்தாரா விரும்பி சாப்பிடுபவர் என்றும் இதுபோன்ற சாதாரண ஹோட்டல்களுக்கு நயன்தாராவை கூட்டி செல்வது தனக்குப் பிடித்தமான விஷயம் என்றும் விக்னேஷ்சிவன் பகிர்ந்திருந்தது குறிப்பிடத்தக்கது.