சென்னை: பிக்பாஸ் தமிழ்8 நிகழ்ச்சியில் வைல்ட் கார்டில் நுழைந்த போட்டியாளர்களின் சம்பள விவரம் குறித்த தகவல் வெளியாகியுள்ளது.
பிக்பாஸ் தமிழ் நிகழ்ச்சியின் எட்டாவது சீசன் ஒளிபரப்பாகி வருகிறது. இந்த சீசன் ஆரம்பம் முதலே மந்தமாக போய்க் கொண்டிருக்கிறது என இணையவாசிகள் சொல்லி வருகின்றனர். இதன் காரணமாகவே இதற்கு முந்திய தமிழ் சீசன்களில் இல்லாத அளவிற்கு ஆறு போட்டியாளர்கள் வைல்ட் கார்டில் நுழைந்திருக்கிறார்கள். நடிகர்கள் ராணவ், ரயான், ஷிவகுமார், வர்ஷினி, பட்டிமன்ற பேச்சாளர் மஞ்சரி, பிக்பாஸ் விமர்சகர் ரியா ஆகியோர்தான் இந்த ஆறு போட்டியாளர்கள்.
இதில் ரயானுக்கு ஒரு நாளைக்கு ரூ. 15 ஆயிரம் சம்பளமும், ஷிவகுமார், ராணவ், வர்ஷினி ஆகியோருக்கு ரூ. 12 ஆயிரமும், ரியா மற்றும் மஞ்சரி ஆகியோருக்கு ஒரு நாளைக்கு ரூ. 10 ஆயிரம் சம்பளமும் வழங்கப்படுகிறது.