சென்னை: அமெரிக்காவில் வெளியாவதற்கு முன்பாக அதாவது நவம்பர் 15 அன்றே 'கிளாடியேட்டர் II' இந்தியத் திரையரங்குகளில் வெளியாகிறது.
இந்தியத் திரையரங்குகளில் இயக்குநர் ரிட்லி ஸ்காட் இயக்கத்தில் உருவாகியுள்ள ‘கிளாடியேட்டர் II’ திரைப்படம் நவம்பர் 15 ஆம் தேதி வெளியாவதாக அறிவிக்கப்பட்டிருக்கிறது. ஐமேக்ஸ் மற்றும் 4Dx வடிவங்களில் ஆங்கிலம், இந்தி, தமிழ் மற்றும் தெலுங்கில் 'கிளாடியேட்டர் II' படத்தின் ப்ரீமியர் வெளியாகிறது.
படம் குறித்து ரிட்லி ஸ்காட் பகிர்ந்து கொண்டதாவது, "24 வருடங்களுக்குப் பிறகு இந்தத் திரைப்படத்தின் இரண்டாம் பாகம் எடுத்திருப்பது எனக்கு மிகுந்த மகிழ்ச்சி. கிளாடியேட்டர் ரசிகர்களுக்குப் பிடித்த ஒன்று. ரோமானியப் பேரரசின் உலகமும் கிளாடியேட்டரின் மறக்க முடியாத கதாபாத்திரங்களும் மிகவும் அற்புதமாக வடிவமைக்கப்பட்டுள்ளன. அதை இன்னும் பெரிய அளவில் மீண்டும் உருவாக்குவது அவசியமாக இருந்தது. பழிவாங்குவதற்கான அதே சக்திவாய்ந்த கதாபாத்திரத்தை நாங்கள் மீண்டும் திரையில் கொண்டு வர விரும்பினோம். அது புதியதாகவும் நவீனமாகவும் தனித்துவமானதாகவும் இருந்தது” என்றார்.