சென்னை: நடிகர் அல்லு அர்ஜூனின் ‘புஷ்பா2’ திரைப்படத்தின் டிரெய்லர் பிரம்மாண்டமாக பாட்னாவில் படக்குழு வெளியிட இருக்கிறது.
சுகுமார் இயக்கத்தில், நடிகர் அல்லு அர்ஜூன் நடித்த ‘புஷ்பா: தி ரைஸ்’ திரைப்படம் டிசம்பர் 5, 2024 அன்று திரையரங்குகளில் வெளியாகிறது. முதல் பாகத்தில் சமந்தா சிறப்பு பாடலுக்கு நடனமாடியிருப்பது போலவே, இரண்டாம் பாகத்தில் ஸ்ரீலீலா சிறப்பு நடனம் ஆட இருக்கிறார். படம் வெளியாக இன்னும் சில வாரங்களே இருக்கும் நிலையில், படத்திற்கான புரோமோஷன் பணிகள் முழுவீச்சில் நடந்து வருகிறது.
பாட்னா, கொல்கத்தா, சென்னை, கொச்சி, பெங்களூரு, மும்பை மற்றும் ஹைதராபாத் போன்ற முக்கிய நகரங்களில் புரோமோஷனல் நிகழ்ச்சிகள் திட்டமிடப்பட்டுள்ளன. இதில் பாட்னாவில் நவம்பர் 17 ஆம் தேதி பிரமாண்டமான டிரெய்லர் வெளியீட்டு விழா நடக்க இருக்கிறது.
இந்த நிகழ்வை அறிவிப்பதற்காக அல்லு அர்ஜுன் துப்பாக்கியை கையில் வைத்திருப்பது போன்ற போஸ்டர் வெளியாகி ரசிகர்களை உற்சாகத்தில் ஆழ்த்தியுள்ளது. படத்தின் போஸ்ட் புரொடக்ஷன் பணிகள் விறுவிறுப்பாக நடந்து வருகிறது.
» மறைந்த நடிகர் டெல்லி கணேஷ் படித்த பள்ளியில் அவருக்கு அஞ்சலி
» உலக நாயகன் பட்டத்தை துறக்கிறேன் - கமல்ஹாசன் சொல்லும் காரணம் என்ன?