சென்னை: வல்லநாடு அரசு மேல்நிலைப்பள்ளியில் மறைந்த நடிகர் டெல்லி கணேஷ் படத்திற்கு அஞ்சலி செலுத்தப்பட்டது.
நடிகர் டெல்லி கணேஷ் நேற்று அதிகாலை சென்னையில் உள்ள அவரது இல்லத்தில் உயிரிழந்தார். அவரது மறைவுக்கு சென்னையில் பல்வேறு கட்சியினரும், நடிகர்களும், பிரபலங்களும் அஞ்சலி செலுத்தி வருகின்றனர். தூத்துக்குடி மாவட்டம், வல்லநாட்டைச் சேர்ந்தவர் டெல்லி கணேஷ்.
இவரது சொந்த ஊரான வல்லநாட்டில் அவர் படித்த விடிவிடி அரசு மேல்நிலைப்பள்ளியில் காலையில் நடந்த சிறப்பு கூட்டத்தில் டெல்லி கணேஷ் புகைப்படத்திற்கு மலரஞ்சலி செலுத்தும் நிகழ்ச்சி நடந்தது. இதில் பள்ளி தலைமை ஆசிரியர், ஆசிரியர்கள் மற்றும் உள்ளூர் பொதுமக்கள் கலந்து கொண்டு அஞ்சலி செலுத்தினர்.