சென்னை: ‘சுந்தரி’ சீரியல் புகழ் நடிகை போதைப்பொருளுடன் கைது செய்யப்பட்டுள்ளார்.
சன் தொலைக்காட்சியில் ஒளிபரப்பாகி வரும் ‘சுந்தரி’ சீரியலில் நடித்து வருபவர் மீனா. சிறுசிறு கதாபாத்திரங்களில் நடித்து வரும் இவர் இன்று சென்னை, ராயப்பேட்டையில் உள்ள வணிக வளாகம் ஒன்றில் போதைப்பொருளுடன் வருகிறார் என்ற தகவல் போலீசாருக்கு கிடைத்திருக்கிறது. இதனால், சம்பவ இடத்திற்கு போலீசார் விரைந்திருக்கின்றனர். அங்கு மீனாவிடம் 5 கிராம் அளவில் மெத்தபெட்டமைன் எனும் வீரியம் மிக்க போதைப்பொருளை காவல்துறையினர் கைப்பற்றியிருக்கின்றனர்.
அவரை கைது செய்து போலீஸார் விசாரணை நடத்தியதில் சின்னத்திரை நடிகர்கள் மற்றும் துணை நடிகர்களுக்கு, போதைப்பொருள் சப்ளை செய்து வந்தார் என்பது தெரிய வந்திருக்கிறது. இந்த விஷயம் சின்னத்திரை வட்டாரத்தில் பரபரப்பை ஏற்படுத்தியிருக்கிறது.