நடிகர், தவெக தலைவர் விஜய் சென்னையில் இராணுவ அதிகாரிகளை சந்தித்துள்ளார்.
தவெக தலைவர் விஜய் தனது கட்சியின் முதல் மாநாட்டை முடித்தப் பிறகு ஹெச். வினோத் இயக்கத்தில் ‘தளபதி 69’ படத்தில் பிஸியாக நடித்து வருகிறார். இதுவே இவரது கடைசிப் படம் எனவும் அறிவிக்கப்பட்டுள்ளது. இந்த நிலையில் நேற்று சென்னை, பரங்கி மலையில் உள்ள இராணுவ அதிகாரிகளுக்கான பயிற்சி பள்ளியில் நடைபெற்ற விழாவில் சிறப்பு விருந்தினராகக் கலந்து கொண்டார். அங்கிருந்த இராணுவ வீரர்களுடன் பேசி அவர்களின் அனுபவங்களையும் கேட்டறிந்தார்.
மேலும், இராணுவ அதிகாரிகளின் குடும்பத்தினர்களுடனும் கலந்துரையாடி இருக்கிறார். கடைசி நிமிடத்தில் விஜய் இந்த நிகழ்வில் கலந்துக் கொள்ள சம்மதித்ததாக தெரிகிறது. இதுதொடர்பான புகைப்படங்களை இணையவாசிகள் வைரலாக்கி வருகின்றனர்.