’கார்த்திகை தீபம்2’ சீரியலில் இருந்து தன்னை திட்டமிட்டதே நீக்கி விட்டதாக நடிகை ஹர்திகா கூறியுள்ளார்.
ஜீ தமிழ் தொலைக்காட்சியில் ஒளிபரப்பாகி வரும் ‘கார்த்திகை தீபம்’ சீரியல் இந்த வாரத்தோடு முடிகிறது. இதில் கார்த்திக் மற்றும் ஹர்திகா முன்னணி கதாபாத்திரங்களில் நடித்து வருகின்றனர். இதன் இரண்டாம் பாகமும் கிராமத்து கதைக்களத்தில் விரைவில் ஒளிபரப்பாக இருக்கிறது. இதில் கார்த்திக் மற்றும் ரேஷ்மா இருவரும் நடிக்க இருப்பதாக புரோமோவும் வெளியாகியுள்ளது. இதன் முதல் பாகத்தில் கதாநாயகியாக நடித்த ஹர்திகா இரண்டாம் பாகத்தில் கதாநாயகியாக நடிக்கவில்லை.
இதுபற்றி அண்மையில் கொடுத்துள்ள பேட்டி ஒன்றில் பேசியிருப்பதாவது, “’கார்த்திகை தீபம்2’ சீரியலிலும் எனது கதாபாத்திரம் இருக்கும் என ஆவலுடன் எதிர்பார்த்திருந்தேன். ஆனால், என்னைத் திட்டமிட்டு நீக்கி விட்டார்கள். இதற்கு காரணம் சமீபத்தில் எனக்கு நடந்த திருமணம்தான். எனக்கு திருமணம் நடந்ததால் இரண்டாம் பாகத்தில் சில நெருக்கமான காட்சிகள் நடிக்க வேண்டும் என்பதால் என்னை சீரியலில் இருந்து நீக்கி விட்டார்கள். இதற்காக, யாரையும் குறை சொல்ல விரும்பவில்லை. இத்தனை நாள் எனக்கு ஆதரவு கொடுத்த ரசிகர்களுக்கு நன்றி” எனப் பேசியுள்ளார்.