ஷங்கர் இயக்கத்தில் ராம் சரண், கியாரா அத்வானி நடித்துள்ள படம், ‘கேம் சேஞ்சர்’. இதில் எஸ்.ஜே.சூர்யா, அஞ்சலி, சுனில் உட்பட பலர் நடித்துள்ளனர். வெங்கடேஸ்வரா மூவிஸ் சார்பில் தில் ராஜு, ஆதித்யாராம் மூவிஸ் ஆதித்யாராம் இணைந்து தயாரித்துள்ளனர். இந்தப் படத்தைத் தொடர்ந்து தமிழ் மற்றும் பான் இந்தியா படங்களை இணைந்து தயாரிக்க உள்ளதாக இரு நிறுவனங்களும் அறிவித்துள்ளன.
இதுதொடர்பான நிகழ்ச்சியில், தில் ராஜூ கூறும்போது, "‘கேம் சேஞ்சர்’ எனது 50-வது படம். 3 ஆண்டுகளுக்கு முன் இயக்குநர் ஷங்கர் என்னிடம் கூறிய கதைக் களம் சுவாரஸ்யத்தை ஏற்படுத்தியது. நண்பர் ஆதித்யாராம் நான்கு திரைப்படங்களைத் தெலுங்கு மொழியில் தயாரித்துள்ளார். பிறகு சென்னையில் ரியல் எஸ்டேட் துறையில் ஈடுபட்டு வந்தார். நான் அவரிடம் ‘கேம் சேஞ்சர்’ படத்தில் இருவரும் இணைவது குறித்து பரிந்துரைத்தேன். தொடர்ந்து தமிழ் மற்றும் பான் இந்தியா திரைப்படங்களிலும் இணைந்து பணியாற்ற இருக்கிறோம். இந்தப் படத்தின் டீஸரை, லக்னோவில் வரும் 9-ம் தேதி வெளியிடுகிறோம். அமெரிக்காவி்ல் பாடல்
வெளியிடப்படுகிறது. ஜன.10-ல் படம் வெளியாகிறது” என்றார்.