நடிகர் நெப்போலியன் மகன் திருமணம்: வைரலாகும் ஃபோட்டோஷூட் வீடியோ!

நடிகர் நெப்போலியன் மகன் திருமணம் நாளை ஜப்பானில் நடைபெற இருக்கும் நிலையில் அவரது ஃபோட்டோஷூட் வீடியோ இணையத்தில் வைரலாகிறது.

நடிகர் நெப்போலியன் மூத்த மகன் தனுஷ் - அக்‌ஷயா திருமணம் நாளை ஜப்பானில் நடைபெற இருக்கிறது. இதற்காக ஒரு மாதத்திற்கு முன்னதாகவே நெப்போலியன் குடும்பம் கப்பலில் பயணித்து ஜப்பான் சென்றடைந்தது.

திருமணத்தில் கலந்து கொள்வதற்காக நடிகர்கள் சரத்குமார், ராதிகா, மீனா, கலா மாஸ்டர், குஷ்பு என திரையுலகப் பிரபலங்கள் பலர் ஜப்பான் சென்றிருக்கின்றனர்.

அங்கு திருமணக் கொண்டாட்டங்கள் களைக்கட்டத் தொடங்கி இருக்கின்றன. திருமணத்திற்கு முன்னதாக அக்‌ஷயாவுடன் தனுஷ் எடுத்திருக்கும் ஃபோட்டோஷூட் வீடியோ இணையத்தில் வெளியாகி வைரலாகி இருக்கிறது. பிங்க் நிற உடையில் இருவரும் பேசி சிரித்துக் கொள்ளும் வீடியோவைப் பார்த்த ரசிகர்கள் பலரும் தங்கள் வாழ்த்துகளைத் தெரிவித்து வருகின்றனர்.