இந்த வாரம் ஓடிடியில் வெளியாகும் படங்கள் என்னென்ன என்பது பற்றி பார்க்கலாம்.
தீபாவளிக்கு பல பெரிய பட்ஜெட் படங்கள் வெளியான நிலையில், தீபாவளி ரேஸில் ‘அமரன்’ வசூலை அள்ளிக் குவித்து ரசிகர்களிடையே ஹிட்டடித்தது. இதனை அடுத்து கடந்த மாத தொடக்கத்தில் திரையரங்குகளில் வெளியான எந்தெந்த படங்கள் இந்த வாரம் ஓடிடியில் வெளியாகிறது என்கிற லிஸ்ட் வெளியாகி இருக்கிறது.
’ஜெய்பீம்’ ஞானவேல் இயக்கத்தில் நடிகர்கள் ரஜினிகாந்த், அமிதாப், மஞ்சு வாரியர் உள்ளிட்டப் பலரது நடிப்பில் வெளியான ‘வேட்டையன்’ படம் அமேசான் ஓடிடி தளத்தில் நவம்பர் 8ம் தேதி வெளியாகிறது. டொவினோ தாமஸ் நடிப்பில் ஜிதின் லால் இயக்கத்தில் வெளியான ’ஏஆர்ஆம்’ திரைப்படம் டிஸ்னி+ஹாட்ஸ்டார் தளத்தில் நவம்பர் 8 ஆம் தேதி வெளியாகிறது.
சீனு ராமசாமி இயக்கத்தில் யோகிபாபு, ஏகன் உள்ளிட்டப் பலர் நடிப்பில் வெளியான ‘கோழிப்பண்ணை செல்லதுரை’ திரைப்படம் நாளை நவம்பர் 5ஆம் தேதி அமேசான் பிரைம் ஓடிடி தளத்தில் வெளியாகிறது. இது தவிர்த்து, ’தி ஃபேமிலிமேன்’ வெப்சீரிஸ் புகழ் ராஜ் & டிகே இயக்கத்தில் ‘சிட்டாடல் ஹனி பனி’ வெப்சீரிஸ் அமேசான் பிரைம் ஓடிடி தளத்தில் நவம்பர் 7 அன்று வெளியாகிறது.