பிக்பாஸ் தமிழ் நிகழ்ச்சியில் ஆறு வைல்ட் கார்ட் போட்டியாளர்கள் உள்ளே நுழைந்திருக்கிறார்கள்.
பிக்பாஸ் தமிழ் நிகழ்ச்சியின் எட்டாவது சீசன் 25 ஆவது நாளைக் கடந்திருக்கிறது. தீபாவளி வாரம் என்பதால் இந்த வாரம் நோ எலிமினேஷன் என்பதை அறிவித்தார் விஜய்சேதுபதி. அதற்கு பதிலாக ரானவ், ரயான், ஷிவகுமார், மஞ்சரி, ரியா, வர்ஷினி ஆகிய ஆறு பேர் வைல்ட் கார்ட் எண்ட்ரியாக பிக்பாஸ் வீட்டிற்குள் நுழைந்திருக்கிறார்கள். இவர்களின் வருகை பிக்பாஸ் வீட்டிற்குள் இருக்கும் பழைய போட்டியாளர்களை பீதியடையச் செய்கிறது.
ஆனால் வழக்கத்திற்கு மாறாக 11 பேர் எவிக்ஷன் பட்டியலில் வந்திருக்கிறார்கள். வைல்ட் கார்ட் போட்டியாளர்களுக்கு பிக்பாஸ் இல்லத்தில் முதல் வாரம் என்பதால் அவர்கள் இந்த வாரத்தில் நாமினேட் செய்யப்படவில்லை. ஜாக்குலின், அன்ஷிதா, சுனிதா, சாச்சனா, முத்துக்குமரன், அருண், ரஞ்சித், தீபக், விஜே விஷால், பவித்ரா ஜனனி, ஆர்ஜே ஆனந்தி ஆகிய 11 பேர் எவிக்ஷன் பட்டியலில் உள்ளனர். இதனால், இந்த வாரம் டபுள் எவிக்ஷன் இருக்கிறதா என பார்வையாளர்கள் கேட்டு வருகின்றனர்.