சுகுமார் இயக்கத்தில் அல்லு அர்ஜுன் நடித்து வெற்றி பெற்ற படம், ‘புஷ்பா’. ராஷ்மிகா மந்தனா நாயகியாக நடித்தார். தேவிஸ்ரீ பிரசாத் இசையில் இந்தப் படத்தின் பாடல்கள் வரவேற்பைப் பெற்றன. இதில் ‘ஊ சொல்றியா’ என்ற பாடலுக்கு சமந்தா நடனமாடி இருந்தார். இந்தப் பாடல் இந்தியா முழுவதும் ஹிட்டானது.
இந்தப் படத்தின் 2-ம் பாகம் இப்போது உருவாகியுள்ளது. அல்லு அர்ஜுன், ராஷ்மிகா, ஃபஹத் பாசில் உட்பட பலர் நடித்துள்ளனர். டிச.5-ம் தேதி வெளியாக இருக்கும் இந்தப் படத்தின், குத்து பாடலுக்கு இந்தி நடிகைகள் ஆட இருப்பதாகக் கூறப்பட்டு வந்தது. இந்நிலையில் ஸ்ரீலீலா ஆட இருக்கிறார். அவருடன் இணைந்து சமந்தாவும் ஆட இருப்பதாகவும் வரும் 6-ம் தேதி இதற்கான படப்பிடிப்பு நடக்க இருப்பதாகவும் கூறப்படுகிறது. இதைப் படக்குழு உறுதிப்படுத்தவில்லை.