மலையாளத்தில் ‘ஆமென்’, ‘அங்கமாலி டைரிஸ்’, ‘ஜல்லிகட்டு’ போன்ற வெற்றித் திரைப்படங்களை இயக்கிய லிஜோ ஜோஸ் மல்லிசேரி இயக்கத்தில், ஒரே நேரத்தில் தமிழ் மற்றும் மலையாள மொழியில் உருவாகும் திரைப்படம் ‘நண்பகல் நேரத்து மயக்கம்’ இத்திரைப்படத்தை மம்முட்டி தயாரித்து நடிக்கிறார்.
வேளாங்கண்ணியில் இத்திரைப்படத்தின் முதற்கட்ட படப்பிடிப்பு தொடங்கியது. தற்போது பழனியில் படப்பிடிப்பு நடைபெற்று வருகிறது. ஒரேகட்டமாக இத்திரைப்படத்தை முடிக்கப் படக்குழு திட்டமிட்டு பரபரப்பாகப் படப்பிடிப்பு நடத்தப்பட்டு வருகிறது. இந்நிலையில், நடிகை ரம்யா பாண்டியன் இத்திரைப்படத்தில் இணைந்துள்ளார். பழனியில் நடந்துவரும் படப்பிடிப்பில் மம்முட்டியுடன் இணைந்து ரம்யா பாண்டியன் தற்போது நடித்து வருகிறார்.