தென்னிந்திய சினிமாக்களின் பிரதான தாரகையாக வலம்வரும் அனுஷ்காவின் பிறந்த நாளான இன்று(நவ.7), அவரது புதிய படத்துக்கான அறிவிப்பு வெளியிடப்பட்டுள்ளது.
அதன்படி, சாஹோ, ராதே ஷியாம் உள்ளிட்ட பிரம்மாண்ட படங்களின் தயாரிப்பு நிறுவனமான யூவி கிரியேஷன்ஸ் நிறுவனம், அனுஷ்காவுடனான தனது 3-வது திரைப்படத்தை அறிவித்துள்ளது. அனுஷ்காவின் இந்த 48-வது திரைப்படத்தை பி.மகேஷ் பாபு இயக்கவுள்ளார். தயாரிப்பு நிறுவனத்துடனான முந்தைய ’பாகமதி’ போலவே 4 மொழிகளில் புதிய திரைப்படம் வெளியாகும் என அறிவிக்கப்பட்டுள்ளது.
அனுஷ்கா பிறந்தநாளை முன்னிட்டு, இந்தப் புதிய திரைப்படத்தின் அறிவிப்பை மட்டும் தற்போதைக்கு வெளியிட்டிருக்கிறார்கள். திரைப்படத்தின் தலைப்பு, இதர நடிகர்கள், தொழில்நுட்ப கலைஞர்கள் உள்ளிட்ட விவரங்கள் விரைவில் வெளியாகவுள்ளன. பிறந்தநாளையொட்டி 'ஸ்வீட்டி'(அம்மணியின் செல்லப் பெயராம்!)-க்கு சமூக ஊடகங்களில் ரசிகர்கள் வாழ்த்து மழை பொழிந்து வருகிறார்கள்.