இந்தியாவின் முன்னணி நடிகர்களில் ஒருவரான மாதவன் தற்போது தயாரித்து, இயக்கி நடித்துள்ள படம் ‘ராக்கெட்ரி : நம்பி விளைவு’. இஸ்ரோ விஞ்ஞானி நம்பி நாராயணனின் வாழ்க்கை வரலாற்றை அடிப்படையாகக் கொண்டு உருவாகியுள்ள இத்திரைபடத்தில், மாதவனுக்கு ஜோடியாக சிம்ரன் நடித்துள்ளார்.
பல கட்டங்களாக நடந்து வந்த இத்திரைப்படத்தின் படப்பிடிப்பு, தற்போது முடிந்து இறுதிக்கட்ட பணிகள் தொடங்கியுள்ளன. இந்நிலையில், 2022-ம் ஆண்டு ஏப்ரல் 1-ம் தேதி ‘ராக்கெட்ரி: நம்பி விளைவு’ திரைப்படம் உலகமெங்கும் தியேட்டர்களில் வெளியாக இருப்பதாக மாதவன் அறிவித்துள்ளார். தமிழ், தெலுங்கு, ஹிந்தி, மலையாளம், கன்னடம், ஆங்கிலம் என 6 மொழிகளில் இத்திரைப்படம் வெளியாகவுள்ளது.