-
-
-
Loading
வங்கக் கடலில் உருவான டானா புயல் வெள்ளிக்கிழமை அதிகாலை ஒடிசாவில் கரையைக் கடந்தது.
ஒடிசா, மேற்கு வங்கம் இடையே டானா புயல் கரையைக் கடந்தபோது மணிக்கு 110 கி.மீ. வேகத்தில் காற்று வீசியது.
முன்னெச்சரிக்கை நடவடிக்கையாக ஒடிசாவில் 10 லட்சம் பேர் பாதுகாப்பான இடங்களுக்கு அழைத்துச் செல்லப்பட்டனர்.
ஒடிசா மாநிலத்தில் 14 மாவட்டங்கள் டானா புயலால் கடுமையாக பாதிக்கப்பட்டு உள்ளன.
புயல் பாதித்த பகுதிகளை ஒடிசா முதல்வர் மோகன் மாஜி நேற்று பார்வையிட்டார்.
“மாநில அரசின் முன்னெச்சரிக்கை நடவடிக்கைகளால் ஒரு உயிரிழப்புகூட ஏற்படவில்லை" என்று ஒடிசா முதல்வர் தெரிவித்தார்.
மேற்கு வங்கத்தில் 2.5 லட்சம் பேர் புயல் பாதிப்பு பகுதிகளில் இருந்து வெளியேற்றப்பட்டனர்.
மேற்கு வங்கத்தில் 8 மாவட்டங்கள் கனமழையால் பாதிக்கப்பட்டன. முர்ஷிதாபாத் பகுதியில் மழை பாதிப்பால் ஒருவர் உயிரிழந்தார்.
வியாழக்கிழமை ஒடிசாவின் புவனேஸ்வர், மேற்குவங்கத்தின் கொல்கத்தா விமான நிலையங்கள் மூடப்பட்டன. 300 விமான சேவைகள், 552 ரயில் சேவைகள் ரத்து செய்யப்பட்டன.
டானா புயல் வலுவிழந்து ஆழ்ந்த காற்றழுத்த தாழ்வு மண்டலமாக மாறியிருக்கிறது.
ஒடிசா, மேற்கு வங்கத்தில் வெள்ளிக்கிழமையும் மழை நீடித்தது. ரயில், விமான சேவைகள் வழக்கம்போல இயக்கப்பட்டன.
