அழகான புன்னகைக்கு அடிப்படை ஆரோக்கியமான பற்கள். அவற்றைப் பராமரிப்பது குறித்துப் பார்ப்போம்.
2 / 10
பொதுவாகக் குழந்தைகள் அதிக சாக்லேட், ஐஸ்கிரீம் போன்றவற்றை விரும்பி உண்பார்கள். முடிந்தவரை இவற்றைத் தவிர்ப்பது நல்லது. இல்லையென்றால் இவற்றை உண்டபின் நன்றாக வாய் கொப்பளிப்பது பல்லுக்கு நல்லது.
3 / 10
உணவு வகைகளைப் பொறுத்தவரை, நார்ச்சத்து மிக்க உணவு வகைகள் உடல் நலனுக்கு மட்டுமல்லாமல் பல்லுக்கும் மிகவும் நல்லது. அடுத்து கால்சியம் நிறைந்த பால், தயிர், முட்டை போன்றவற்றையும் உணவில் போதுமான அளவு சேர்த்துக் கொள்ள வேண்டும்.
4 / 10
ஒவ்வொரு முறை உணவு உண்டபின், வாய் கொப்பளித்து பற்களைச் சுத்தம் செய்வது நன்று. கண்டிப்பாகக் காலையும் இரவும் பற்களைச் சுத்தம் செய்ய வேண்டும்.
5 / 10
இரவில் சுரப்பிகள் மிகமிகக் குறைந்த அளவிலேயே உமிழ்நீரைச் சுரக்கின்றன. எனவே, வாய் சுத்தமாக இல்லாவிட்டால் பல் சொத்தையை உண்டாக்கும் பாக்டீரியாக்கள், உணவுத் துணுக்குகளோடு பல்கிப் பெருகி பற்சிதைவை உண்டாக்கும்.
6 / 10
ஒவ்வொரு முறை பல் துலக்கும்போதும் தரமான ஃபுளூரைடு (Fluoride) நிறைந்த பற்பசையையும் மிருதுவான பல் துலக்கியையும் பயன்படுத்த வேண்டும்.
7 / 10
பற்களை அதிக அழுத்தம் கொடுத்துத் தேய்க்கக் கூடாது. மிருதுவான, குறைந்த அழுத்தமே போதும்.
8 / 10
2-3 நிமிடங்களில் எல்லாப் பற்களையும் சுத்தம் செய்வது, நாக்கு, அன்னம், வாய் ஈறுகள், உட்புறத் தசைகள் போன்றவற்றையும் சுத்தம்செய்வதுடன், விரல்களால் ஈறுகளுக்கு மசாஜும் செய்ய வேண்டும்.
9 / 10
பல் துலக்கியைக் குறைந்தது 3-4 மாதங்களுக்கு ஒருமுறை மாற்றிக்கொள்ள வேண்டும்.
10 / 10
வருடத்துக்கு ஒருமுறை தேர்ந்த பல் மருத்துவரிடம் சென்று பல் சுத்தம் செய்துகொள்வது (Scaling) மற்றும் பற்களைப் பரிசோதனை (Consultation and Diagnosis) செய்துகொள்வது நன்மை தரும். பற்சிதைவை ஆரம்பத்திலேயே கண்டறிந்தால் பற்களைக் காப்பாற்றிக் கொள்ளலாம்.
