மஞ்ஞும்மல் பாய்ஸ் (Manjummel Boys): நண்பர்கள் இணைந்து கொடைக்கானலுக்கு சுற்றுலா செல்கின்றனர். நண்பர் ஒருவர் குணா குகையில் சிக்கிக்கொள்கிறார். அவரை எப்படி மீட்டார்கள் என்பது கதை. ஹாட்ஸ்டார் ஓடிடியில் படம் காணக்கிடைக்கிறது. ரிப்பீட் மோடுக்கு உகந்த திரை அனுபவம்.
2 / 10
பிரேமலு (Premalu): காதல் தோல்வி, சரியான வேலை கிடைக்காதது என தன் வாழ்நாள் முழுதும் புறக்கணிக்கப்பட்ட ஒருவர், தனக்கு எதிரான குணம் கொண்ட பெண்ணை காதலிக்கிறார். அவர்களின் காதல் சேர்ந்ததா? இல்லையா? என்பது கதை. டிஸ்னி + ஹாட்ஸ்டார் தளத்தில் படம் காணக்கிடைக்கிறது. காமெடி + காதல் ஜானரில் ஈர்க்கிறது.
3 / 10
பிரமயுகம் (Brammayugam): சிதிலமடைந்த வீடொன்றில் தஞ்சம் புகும் தேவன் அந்த வீட்டில் நிகழும் நிகழும் மர்மங்களை அறிந்து, பின் அங்கிருந்து எப்படி வெளியேறினார் என்பது கதை. மம்மூட்டியின் மிரட்டலான நடிப்பில் உருவான படம் சோனி லிவ் ஓடிடியில் காணக்கிடைக்கிறது. புது திரையனுபவம் உறுதி.
4 / 10
ஆட்டம் (aattam): 12 ஆண்கள், ஒரு பெண் அடங்கிய நாடக் குழுவில் பாலியல் வன்கொடுமைக்கு ஆளான பெண்ணுக்கு நியாயம் கிட்டியதா என்பது கதை. அட்டகாசமான திரைக்கதையில் பல விஷயங்களைப் பேசும் இப்படம் அமேசான் ப்ரைம் ஓடிடியில் காணக்கிடைக்கிறது.
5 / 10
அன்வேஷிப்பின் கண்டேதும் (Anweshippin Kandethum): வெவ்வேறு சூழலில் நடக்கும் இரண்டு கொலைகளும், அந்த வழக்கைத் தீர்க்க போராடும் காவல் துறை அதிகாரியின் போராட்டம் தான் படம். டோவினோ தாமஸின் சுவாரஸ்யமான க்ரைம் த்ரில்லர் நெட்ஃப்ளிக்ஸ் ஓடிடி தளத்தில் காணக் கிடைக்கிறது.
6 / 10
பலிமி (Falimy): காசி செல்கிறது ஒரு குடும்பம். உடைந்து கிடக்கும் அந்த குடும்ப உறவுகள் பயணத்தின் மூலம் எப்படி ஒன்று சேர்ந்தார்கள் என்பது படத்தின் கதை. உணர்வுப்பூர்வமான இப்படம் கலங்க வைத்து சிரிக்கவும் செய்யும். ஹாட்ஸ்டார் ஓடிடியில் காணக்கிடைக்கிறது.
7 / 10
நேரு (Neru): மோகன்லால் நடிப்பில் உருவான கோர்ட் ரூம் ட்ராமா பாலியல் வன்கொடுமைக்கு ஆளான பெண்ணுக்கான நீதியைப் பற்றி பேசுகிறது. என்கேஜிங்கான திரைக்கதை தாக்கத்தை தரக்கூடியது. படம் ஹாட்ஸ்டார் ஓடிடியில் உள்ளது.
8 / 10
உடல் (udal): மருமகள் ஒருவர் தனது ஆண் நண்பருடன் சேர்ந்து மாமியரை கொலை செய்து விடுகிறார். சிறிதும் பிசகாமல் முடியும் இந்தக் கொலைக்குப் பின் அவ்வீட்டில் அந்த இரவு எப்படியாக விடிகிறது என்பதுதான் படம். அமேசான் ப்ரைமில் காணக்கிடைக்கும் அட்டகாசமான திரைப்படம்.
9 / 10
ஆர்டிஎக்ஸ் (RDX): தற்காப்பு பயிற்சி பெற்றவர்களுக்கும் மர்ம கும்பலுக்கும் இடையிலான பிரச்சினையை களமாக கொண்ட படம் ஆக்ஷன் காட்சிகள், காதல் சென்டிமென்ட் என எங்கேஜிங்காக நகரக்கூடியது. ஆக்ஷன் விரும்பிகளுக்கு நெட்ஃப்ளிக்ஸில் காணக்கிடைக்கிறது.
10 / 10
தொட்டப்பன் (Thottappan): திருடிப் பிழைக்கும் இரு நண்பர்களில் ஒருவர் மாயமாகிறார். அவருக்கான காத்திருப்பும் அதைத் தொடர்ந்து நிகழும் சம்பவங்களையும் பேசும் இப்படம் நல்லதொரு சஸ்பென்ஸ் டிராமா. நெட்பிஃளிக்ஸில் உள்ளது.
